Türkiyənin “TV8” telekanalının sahibi, məşhur prodüser və aparıcı Acun Ilıcalı Dominikan Respublikasında 51 yaşını qeyd edib.

Bu barədə “HaberGlobal” məlumat yayıb.

A.Ilıcalı doğum günündə çəkilmiş fotosunu sosial şəbəkə hesabında paylaşıb. Məşhur aparıcının yanında özündən 30 yaş kiçik sevgilisi Ayça Çağla Altunkaya da olub.

“Həyatımın ən uzun doğum günü oldu. Üç qitədə qeyd etdim. Təbrik edən hər kəsə təşəkkürlər. Yaxşı ki, varsınız”, – deyə A.Ilıcalı yazıb.