Rəqsanənin işçisi koronavirusdan öldü - FOTO

Müğənni Rəqsanə İsmayılovanın işçisi koronavirus pandemiyasına yoluxaraq həyatını itirib. “Qafqazinfo” xəbər verir ki, bu barədə prodüser Tarix Əliyev (Tolik) məlumat yayıb.

İnstaqramda status yazan Tolik qadının 3 gündür xəstəxanada olduğunu, bu gün dünyasını dəyişdiyini bildirib.

Mövzu barədə Rəqsanə İsmayılova da açıqlama verib. O, instaqramda işçisi Mehbarənin fotosunu paylaşaraq kədərləndiyini qeyd edib: “Sözün bitdiyi an, heç inana bilmirəm. 47 yaşında cavan gəlin… 10 yaşında körpəsi kimsəsiz qaldı. Üç ildən çoxdur ki, mənimlə çalışırdı”.

Bundan əlavə, Rəqsanə restoranında çalışan xanımın 20 gündür işə gəlmədiyini, 3 gün xəstəxanada müalicə olunduğunu bildirib.

Qeyd edək ki, sənətçi bir neçə gün öncə həyat yoldaşı Fazil Əmiraslanovla COVID-19 testindən keçib, nəticələr neqativ çıxıb.

Rəqsanənin işçisi koronavirusdan öldü - FOTO