Media
Çinin kənd təsərrüfatı nazirliyi qidada istifadəsinə icazə verilən ətlərin siyahısından itləri çıxarıb.
Musavat.com xəbər verir ki, bu barədə Rusiyaın “Kommersant” qəzeti yazıb.
“İnsan sivilizasiyasının inkişafı ilə əlaqədar ictimaiyyətin köpəklərin müdafiəsi ilə bağlı qayğıları nəzərə alınaraq it ətindən ev quşları və heyvanları kimi qidada istifadə olunması tövsiyyə edilmir”,-deyə sənəddə bildirilir.
Qeyd olunur ki, siyahı hələ tamamlanmayıb. Bu il may ayının 8-nə qədər ictimaiyyət onun tam tərkibi ilə tanış olacaq.
Çində ətlərindən ərzaq olaraq yararlana biləcəklər sırasında inək, toyuq, donuz, qoyun kimi ev heyvanları göstərilib. Bəzi heyvanlar “xüsusi ev heyvanı kimi” göstərilib. Buraya marallar, dəvə quşuları, alpakalar, bəzi ov quşları, iki tülkü növü daxil edilib.
Sənədin peyda olması bir çox ekspertlərin koronavirusun həqiqətən Çinin vəhşi heyvanlar bazarından çıxması barədə əminliklərini qətiləşdirib.
Bu il aprelin 2-də Çinin cənubundakı Şençjen şəhəri ilk dəfə it və pişiklərin yemək üçün ovlanmasını yasaqlamışdı.
Honkonqun “Animals Asia” adı heyvanları müdafiə cəmiyyətinin verdiyi məlumata görə, hər il Çində yemək məqsədilə 10 milyon it, 4 milyon pişik öldürülür.
