Milli Məclisdə deputat nazirlərə irad tutdu

Parlamentin bugünkü iclasında “Milli Məclisin deputatının statusu” haqda qanuna dəyişiklik müzakirə edilib.

BAKU.WS qafqazinfo-ya istinadən xəbər verir ki, deputat Tahir Kərimli çıxış edərək karantin rejimində qaydaların deputatlara tətbiq edilməməsinin fövqəladə hal elan olunarsa da, qüvvədə olub-olmayacağına aydınlıq gətirilməsini istəyib:

“Həmçinin bəzi iclaslar qapalı keçirilə bilər. Eyni zamanda bəzi deputatların iclaslara internet vasitəsilə qatılması təklif olunur. Bəs qapalı iclaslara deputatlar internet vasitəsilə qatılsa, bunun təhlükəsizliyinə təmin etmək mümkün olacaqmı?”

T.Kərimli hökumət üzvlərinə də bəzi iradlar tutub: “Operativ qərargahın tələblərinə biz riayət edirik. Amma onların iclasında hökumət üzvləri çox yaxın oturur. Özləri yaxın oturub bizə deyirlər, məsafə saxlayın. Bu da hesab edirəm ki, düzgün anlaşılmır”.