Futbol üzrə İspaniya Super Kubokununun yarımfinal matçında “Real Madrid” klubu “Valensiya”nı məğlub edib.

“Report” xəbər verir ki, Ciddə şəhərində “Kinq Abdullah Sports City” stadionunda keçirilən görüş “Real”ın 3 -1 hesablı qələbəsi ilə başa çatıb.

Madrid komandasından qolları Toni Kros, İsko və Luka Modriç vurub.

“Valensiya”nın isə yeganə qolunun müəllifi Daniel Parexo olub.

Finalda “Real Madrid” “Barselona” – “Atletiko” cütünün qalibi ilə görüşəcək.

Qeyd edək ki, turnirin final görüşü yanvarın 12-də reallaşacaq.