Fotoqraf Mayan Toledano İsraildə hərbi xidmətdə olan qadınların gündəlik həyatdakı vəziyyətlərini lentə alıb.
Publika.az xəbər verir ki, hazırda Nyu Yorkda yaşayan fotoqraf İsrailin Hayfa şəhərində doğulub və böyüyüb.
Kiçik yaşda incəsənətə və rəqsə həvəsi olsa da, 18 yaşına çatanda əsgərliyə gedəcəyini və gələcəyə dair bütün xəyallarını təxirə salacağını bilirdi. Buna baxmayaraq, bütün xəyallarından vaz keçərək əsgərliyə gedib. Daha sonra ölkəsini tərk etsə də, 6 ildən sonra geri qayıdaraq əsgərliyə getməyə məcbur edilən qadınların fotolarını çəkib.
Əsgərliyi zamanı özünü formanın içinə həbs edilmiş kimi hiss edən fotoqraf məqsədinin İsraildə əsgərliyə getməyə məcbur edilən qadınların səsi olmaq olduğunu deyib.