İran xüsusi təyinatlıları rüsvay oldu – 4 video

İranda hərbi mərasim zamanı ortaya çıxan görüntülər sosial şəbəkələrdə qısa müddət ərzində izləmə rekordu qırıb.

Axar.az Yeni Şəfəq-ə istinadən xəbər verir ki, mərasimdə xüsusi təyinatlı hərbçilərin döyüş qabiliyyətini nümayiş etdirən zaman biabırçı bir mənzərə yaranıb.

İran İslam İnqilabı Keşikçiləri Koprusunun (SEPAH) generallarının iştirak etdiyi mərasimdə hərbçilər ev tapşırığını yerinə yetirmək üçün bir saxsı güldanı sındırmağa cəhd ediblər.

Bir neçə “xüsusi təyinatlı” güldanı ayaq zərbəsi ilə sındırmağa çalışsa da, güldan inad edib, dirəşib və sınmayıb ki, sınmayıb.

Heç cür qırılmayan güldan mərasimi izləyən İran generallarının da ürəyini sıxıb.

***

İranda hərbi mərasim zamanı xüsusi təyinatlı hərbçilərin bu uğursuz çıxışı region ölkələrinin ordu birləşmələrindəki vəziyyəti də gündəmə gətirib.

Şimal qonşumuz Rusiyanın xüsusi təyinatlı dəstələri bu baxımdan dünyada ən güclülərdən sayılır.

Çətin şəraitdə tapşırığı uğurla yerinə yetirməklə ad çıxarmış xüsusi təyinatlılar Moskvanın əsas qürur mənbəyidir.

Qardaş ölkə Türkiyənin xüsusi təyinatlı dəstləri də dünya liderləri sırasındadır.

Ümumiyyətlə, dünyanın əksər ölkələrində belə hərbçilərin hazırlanmasında Osmanlı dövlətinin metodlarından istifadə olunur. Osmanlılar 500 ilə yaxın bir dövrdə hərbi əməliyyatların taleyini həll edən xüsusi təyinatlıların hazırlığına böyük diqqət yetiriblər.

Azərbaycanın xüsusi təyinatlı qoşunlarının formalaşdırılmasında da Türkiyənin rolu böyük olub. Bu gün Türkiyənin İzmir və Foçadakı xüsusi təyinatlı məktəblərində onlarla Azərbaycan zabiti təhsil alır.

Hazırda Azərbaycanda bütün qoşun növləri üzrə peşəkar xüsusi təyinatlı dəstələr formalaşdırılıb.

Müqayisəli videoları təqdim edirik: