ABŞ-ın Havay ştatında yüngülmotorlu təyyarə qəzaya uğrayıb.
APA-nın TASS agentliyinə istinadən verdiyi məlumata görə, insident Kauayi adasında qeydə alınıb.
Təyyarə Port-Allen aeroportundan havaya qalxandan bir qədər sonra yerə düşüb. Nəticədə təyyarənin göyərtəsində olan 4 nəfər hadisə yerində, daha 1 nəfər isə xəstəxanada ölüb. Onların paraşütçü və təlimatçılar olduğu bildirilir.
Hadisə ilə əlaqədar ABŞ-ın nəqliyyatda təhlükəsizlik üzrə milli idarəsi araşdırma aparır.