79663_mf1p89l62k

 

Amerikalı ulduz Cennifer Lopez yeni klipi “Aint Your Mamada”nın çəkilişi zamanı Rihannanın ona hədiyyə etdiyi çəkmələri geyinib.

Axşam.az xarici KİV-ə istinadən xəbər verir ki, əfsanəvi dizayner Manolo Blahniklə əməkdaşlıq edən Rihanna ötən həftə bu silsilədən ayaqqabı kolleksiyasını satışa çıxarıb.

Bir-birindən parlaq modellərin yer aldığı bu ayaqqabıları kimin geyinəcəyi maraq edilərkən, kolleksiyanın ən iddialı parçası olan uzunboğaz çəkmə Cennifer Lopezə qismət olub. Rihanna həmin çəkmələrin onu seksual göstərəcəyini vurğulayaraq, bunları qeyd edib:

“Bu çəkmələrin Cenniferə məndən yaxşı yaraşacağına inanıram”.

Lopez Rihannanın bu jestini cavabsız qoymayıb. O, yeni klipində həmin çəkmələri geyinməklə, ulduz həmkarına təşəkkürünü bildirib. Klipi görən Rihanna İnstagramda ona minnətdarlıq edib.