“O səs Türkiyə” səhnəsinə daha bir azərbaycanlı ifaçı çıxıb.
Axşam.az-ın məlumatına görə, Leyla Sezer adlı yarışmaçı Ajda Pekkanın repertuarından “Bambaşka biri” mahnısını səsləndirib. İfasıyla heç bir münsifi döndərə bilməyən həmyerlimiz növbəti il bir daha qatılacağını deyib. O, həyat yoldaşının Türkiyədən olduğunu əlavə edib.
Qeyd edək ki, TV8-də Acun İlıcalının aparıcılığı ilə yayımlanan yarışmanın münsiflər kürsüsündə müğənnilər Ebru Gündeş, Murad Boz, Hadisə, Gökhan-Hakan Özoğuzlar (“Atena”) oturur.