eminmusevi1

Teleaparıcı Emin Musəviyə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyində vəzifə verilib.

AzNews.az xəbər verir ki, bu barədə aparıcı öz “Facebook” hesabında yazıb. Aparıcı Bundan sonra “ASAN FM” radiosunun rəhbəri vəzifəsində çalışacağını bildirib.

“Bundan sonra “ASAN FM” radiosunun rəhbəri vəzifəsində çalışacağam. Hazırda texniki məsələlər üzərində iş gedir. “ASAN xidmət”in öz fəaliyyətində rəhbər tutduğu şəffaflıq prinsipinə qoşularaq vurğulamaq istəyirəm ki, “ASAN FM”-də çalışacaq peşəkar və gənc kadrlar öz bilik və bacarıqlarına uyğun seçiləcəklər. Əminəm ki, “ASAN xidmət” kimi “ASAN FM” də qısa müddət ərzində xalqımızın rəğbətini qazanacaq və sevilən radioya çevriləcək” – deyə, aparıcı vurğulayıb.