oqtay__29

Azərbaycan Milli Məclisinin sədri Oqtay Əsədov Türkiyənin 9-cu prezidenti, mərhum Süleyman Dəmirəlin dəfn mərasimində iştirak edəcək. Bu barədə Modern.az saytına Milli Məclisin mətbuat katibi Akif Təvəkküloğlu məlumat verilib. O, bildirib ki, Oqtay Əsədov bu gün axşam qardaş ölkəyə yola düşür.

Qeyd edək ki, Süleyman Dəmirəlin dəfn mərasimi şənbə günü keçiriləcək. O, doğulduğu İsparta vilayətində torpağa tapşırılacaq.

91 yaşlı Süleyman Dəmirəl iyunun 17-də səhər saatlarında ürək və tənəffüs orqanlarındakı çatışmazlıq səbəbindən dünyasını dəyişib. Onun ölümü ilə əlaqədar Türkiyədə 3 günlük matəm elan olunub.