Xalq artisti:

Formam çox gözəldir. Bu mənim qəlbimin içinin gözəlliyidir ki, xaricimə vurub. Bədən, forma gəldi-gedərdir. Əsas nurum getməsin.

Bu sözləri Xalq artisti Mələykə Əsədova Oxu.Az-ın əməkdaşı ilə söhbətində deyib. İdeal və fit bədən quruluşu ilə diqqət çəkən aktrisa heç bir gözəllik sirrinin olmadığını bildirib:

Xalq artisti:

“Boyum 1.70 sm-dir. Çəkimdə hansısa artım olanda belə hiss olunmur. Mənim gözəllik sirrim yoxdur. Allaha çox bağlıyam. Dedi-qodudan uzaq olanda üzdən nur getmir. Eyni ilə mənim kimi. Simamda nurum var. Bütün azərbaycanlı xanımlar kimi gözəl və baxımlıyam”.

“Hər zaman formada qalmağınızı pəhrizə borclusuz?” sualına M. Əsədovadan belə cavab verib:

“İştaham yaxşı olsa da, çox çörək yemirəm. Tez-tez yemək yeyirəm. Hətta sizə deyim ki, şokolad da yeyirəm. Amma kökəlmirəm. Çünki bütün gün ayaq üstəyəm. Gözəl görünməyimə baxmayın, ailənin və evin yükü mənim çiyinlərimin üstündədir. Səhər tezden yuxudan oyanıram. Qızım Gülər hazırlıqlara gedir. Bütün gün qızım və onun dərsləri, müəllimləri ilə məşğulam”.

İstirahət üçün tez-tez xarici ölkələrə yollanan xalq artisti bu il də ənənəsinə sadiq qalacağını söyləyib:

“Amerikaya çox səfər etmişəm. Xüsusi ilə də adalara getmişəm. Bu il hara gedəcəyimi hələ ki götür-qoy etməmişəm. Ötən illərdə olduğu kimi sanatoriyaya mütləq şəkildə baş çəkəcəyəm. Mən dənizi çox sevdiyimdən yenə də adaların birinə istirahətə yollanacağam”.

“Deyirlər ki, Mələykə pullarının çox hissəsini bahalı brend geyimlərə və zinət əşyalarına xərcləyir” şərhinə Əsədovanın reaksiyası bu cür olub:

Xalq artisti:

“Onu deyə bilərəm ki, qızım şoppinqi sevmir, mən isə tərsinə böyük həzz alıram. Şoppinqə gedəndə ən çox geyim və parfüm alıram. Şoppinq edəndə beynim dincəlir”.

“İncəsənət nümayəndələrinin xüsusi ilə xanım sənətçilərin gözəllik uğrunda seçdikləri ən təhlükəli yol sözsüz ki, plastik və estetik əməliyyatlardır” demişdik ki, Mələykə Əsədova bu mövzunu özünəməxsus şəkildə cavablandırdı:

“Əgər mən nə zamansa kökəlsəm, mən də həmin sənətçilər kimi plastik əməliyyat etdirərəm. Mən əməliyyatlara pis baxmıram. Qadınlar hər zaman baxımlı və gözəl olmalıdır. Əgər kiminsə kompleksi varsa və bu kompleksdən azad olmaq üçün bıçaq altına uzanırsa, mən normal baxıram. Özüm də bu yaxınlarda burnumdan kiçik əməliyyat keçirdim. Ciddi bir müdaxilə olmadı. Hər zaman gördüyünüz eyni burundur. Sadəcə nəfəs almağımda problemlər ucbatından əməliyyata qərar verdim. İndi hər şey yaxşıdır”.

Xalq artisti:

Xalq artisti:

Загрузка...