İspaniyalı futbolçular Karlos Kuadrado, Viktor Rodriqes və Raul Kalvo 38 illik həbs cəzası alıblar.

“Associated Press” xəbər verir ki, onların məhkəmə qarşısına çıxma səbəbi 15 yaşlı qızı zorlamaları olub.

2017-ci ildə futbolçular qızı kirayələdikləri mənzilə dəvət edib və zorlayıblar. İdmançılar öz günahlarını qəbul etməyiblər. Onlar deyiblər ki, həqiqətən həmin mənzildə olublar, lakin yeniyetmə ilə aralarında heç bir münasibət olmayıb. Futbolçular qızın dəqiq yaşını bilmədiklərini də söyləyiblər.

Qeyd edək ki, hər üç futbolçu İspaniyanın “Arandina” klubunda çıxış ediblər. Klub İspaniyanın 4-cü liqasında mübarizə aparır.

Загрузка...