Zelenski Ukraynanın yeni prezidentidir - Ekzit-pol nəticələri - VİDEO (YENLƏNİB)

Ukraynada prezident seçkilərinin ikinci turunda səsvermə başa çatdı.

Virtualaz.org xəbər verir ki, ölkə qanunvericiliyinə uyğun olaraq, saat 21:00-dan (Bakı vaxtı ilə) sonra ekzit-polların nəticələri açıqlana bilər.

Beləliklə, Ukrayna Milli ekzit-polunun nəticələrinə görə, Vladimir Zelenski 73,2%, Pyotr Poroşenko isə 25,3% səs toplayıb.

Yerli “1+1” telekanalının ekzit-polunun nəticələrinə görə, Vladimir Zelenski 72,7%, Pyotr Poroşenko isə 27,3% səs toplayıb.

Yerli “112.Ukrayna” telekanalının ekzit-polunun nəticələrinə görə, Vladimir Zelenski 73,7%, Pyotr Poroşenko isə 26,3% səs toplayıb.

Beləliklə, indidən böyük ehtimalla demək olar ki, Vladimir Zlenski Ukraynanın yeni prezidenti seçilib.

*  *  *

Ukraynada prezident seçkilərinin ikinci turu keçirilir.

Virtualaz.org RİA “Novosti”yə istinadən xəbər verir ki, ekzit-polların ilkin nəticələrinə əsasən, namizəd Vladimir Zelenski seçicilərin səslərinin 71,8%-ni toplayıb.

“New Image Marketing Group” şirkətinin apardığı araşdırmaya görə, bu nəticələr Bakı vaxtı ilə saat 15:00 üçün əldə olunub. Səsvermə saat 21:00-da başa çatacaq.

Hazırkı prezident Pyotr Poroşenko hələlik səslərin yalnız 28,2%-ni toplaya bilib.

Yerli mənbələrin verdiyi məlumatlara əsasən, Pyotr Poroşenko seçkiləri uduzacağı təqdirdə məhkəmə qarşısında cavab vermək təhlükəsi ilə üzləşəcək. Belə ki, prezident toxunulmazlığı aradan qaldırılarsa, Ukraynanın hazırkı dövlət başçısı barəsində iqtisadi cinayətlər törətdiyinə görə bir neçə cinayət işi başlana bilər.

Загрузка...