Qubada qonşunun evindən oğurluq edən şəxs saxlanılıb.
Oxu.Az Xezerxeber.az-a istinadən xəbər verir ki, rayonun İkinci Nüqədi kənd sakini İlham Qardaşəliyev rayon polis şöbəsinə müraciət edərək yanvarın 12-də evindən 1600 manat pulunun oğurlandığı barədə məlumat verib.
Keçirilən əməliyyat-axtarış tədbirləri nəticəsində oğurluğu törətməkdə şübhəli bilinən Cəmil Daşdıyev saxlanılıb. Dindirilmə zamanı o, törətdiyi əməlini etiraf edib və evdə heç kimin olmadığı vaxtda ora daxil olaraq 1600 manat pul oğurladığını, həmin pulları xərclədiyini bildirib.
Faktla bağlı araşdırma aparılır.