Загрузка...

Bu gün Bakı Ağır Cinayətlər Məhkəməsində dustaqlar – “Qoca” ləqəbli avtoritet Etibar Məmmədov və Əli Ağaminin vaqondan qaçırılmasına görə təqsirləndirilənlər – müğənni Fədayə Laçın, Penitensiar Xidmətin tabor komandiri Bəhruz Abdullayev, Əli Ağami və digər şəxslərin məhkəməsi keçirilib.

Medianews.az qafqazinfo-ya istinadən xəbər verir ki, nun prosesdə iştirak edən əməkdaşının verdiyi xəbərə görə, hakim Azad Məcidovun icraatında olan prosesdə şahidlər dindirilib.

Lənkəran Şəhər Polis Şöbəsinin rəis müavini Səadət Tağıyev deyib ki, müğənni Fədayə Laçın “Qoca” ilə görüşmək üçün onların inzibati idarəsinə gəlib: “Mən Fədayə xanımı Müvəqqəti Saxlanma Yerinin rəisi Əlişir Fərəcovun otağına apardım. Qadın olduğu üçün üstünü yoxlamadıq”.

Fədayə Laçın bildirib ki, “Qoca” ilə Əlişir Fərəcovun otağında görüşüb: “Otaqda olanda şəklimizi “Malış” çəkdi”.

Qeyd edək ki, cinayət aləmində “Malış” ləqəbi ilə tanınan 29 yaşlı Ramin Həmidov bu ilin yanvar ayında qarət üstündə həbs edilib.

S.Tağıyeva bu hadisədən sonra işdən çıxarılıb.

Müdafiə tərəfi vəsatət verərək hadisə zamanı Lənkəran, Masallı və Astara rayonun polis rəsiləri olmuş şəxslərin məhkəmədə əlavə şahid qismində dindirilməsini istəyiblər. Hakim vəsatəti baxılmamış saxlayıb.

Proses sentyabrın 19-da davam etdiriləcək.