Загрузка...

Tbilisi Beynəlxalq hava limanında təhlükəsizlik yoxlamaları zamanı İran vətəndaşları olan qadınlara qarşı nümayiş etdirilən “hörmətsizlik” İran XİN-in Gürcüstana rəsmi etirazına səbəb olub.

Oxu.Az xəbər verir ki, bunu İslam Respublikasının xarici siyasət idarəsinin nümayəndəsi Bəhram Qasımi bəyan edib.

Hörmətsizliyin konkret nədə təzahür etdiyi dəqiqləşdirilməyib. Lakin Qasımi qeyd edib ki, belə problemlə bir neçə hicablı İran vətəndaşı qarşılaşıb.

Onun sözlərinə görə, gələcəkdə İran vətəndaşlarının oxşar problemlər yaşamaması üçün rəsmi Tehran Gürcüstanın müvafiq strukturlarına müraciət edib.