Загрузка...

İndi sizə iki ölkə, Azərbaycan və Ermənistan arasında olan fərqi təqdim edəcəyik. Buraxılışmızın əvvəlində Xocalıda Ermənistan ordusunun dinc sakinlərə qarşı törətdiyi vəhşilikləri təqdim etdik. İndi isə bir neçə il əvvəl Azərbaycan ordusu tərəfindən qoşunların təmas xəttində tutulan Ermənisitan diversantının Bakıda, həbsaxanadakı şəraiti ilə tanış edirik. Budur iki ölkə arasındakı fərq.

“Azərbaycan” şeirini əzbər deyən Ermənisitan ordusunun diversantı Arsen Baqdasaryan mina basdırarkən, 2014-cü ilin dekabrın 26-da qoşunların təmas xəttində Azərbaycan ordusu tərəfindən tutulub.

Məhkəmənin hökmü ilə o, 15 il azadlıqdan məhrum edilib. O, Ermənistanın kecmiş müdafiə naziri Seyran Ohanyanın əmri ilə böyük cinayət törətdiyini etiraf edib. Həbsxanada bizim dildə danışmağı öyrənən Arsen Baqdasaryan Azərbaycan bayrağını da başının üstündən asıb. O, bayrağı kartondan özü hazırlayıb.

Baxmayaraq ki, Arsen cinayət törədib, ona Azərbaycanda heç bir zorakılıq tətbiq edilməyib. Bunu o, “Qarabağ – əsirlər və girovlar- Közərən Xaç” filminin çəklişi zamanı etiraf edib.

Amma Şahbaz Quliyev və Dilqəm Əsgərov Kəlbəcərdə öz ata-baba yurdlarını ziyarət edərkən tutulublar. Onlara ağır işgəncə verilərək, saxta məhkəmə qurulub, Dilqəm Əsgərov ömürlük, Şahbaz Quliyev isə 22 il azadlıqdan məhrum edilib.

Arsen Baqdasaryan həbsxanadan Ermənistana mesaj da verib. Beynəlxalq Qırmızı Xaç Cəmiyyətinin vasitəsi ilə o, ailəsi ilə tez-tez danışır. Efir vasitəsi ilə hətta qardaşını yeni doğulan uşağına görə təbrik edib.

Həbsxanada normal şəraitdə qalan Arsen azərbaycanlı məhkumlarla yaxşı münasibətdə olduğunu da deyir. Budur Azərbaycanla Ermənistanın fərqi.(Xəzərxəbər)