Piyada keçidində yaşlı kişi quldur hücumuna məruz qalıb.
Publika.az xəbər verir ki, hadisə Nizami rayonunda qeydə alınıb.
Belə ki, metronun Neftçilər stansiyasının yaxınlığındakı yeraltı keçiddən keçən 57 yaşlı Süleymanov Behbud Əli oğlu qəfildən bir neçə şəxsin hücumuna məruz qalıb. Naməlum şəxslər ondan cibində olan pulları ona verməyi tələb ediblər. Lakin pulunun olmadığını deyən B.Süleymanov naməlum şəxslər tərəfindən başından ağır zərbə alıb. Nəticədə o çoxlu qan itirib. Hadisə yerinə baxış keçirən Post Patrul Xidmətinin əməkdaşları yaralının vəziyyətinin ağır olduğunu görüb təcili yardım xidmətinə müraciət edib. Xəsarət alan şəxs xəstəxanaya yerləşdirilib.
Faktla bağlı Nizami Rayon Polis İdarəsində araşdırma aparılır.
23 sentyabr 2012-ci ildən fəaliyyətə başlayan Medianews.az saytı yaranışının 10 illiyinə yeni dizayn və yeni funksionallıqla xidmətinizdədir. Ümid edirik ki, etdiyimiz yeniliklər izləyicilərimizin zövqünə uyğun olacaq.
Hər zaman sizinlə Medianews.az ailəsi.