Ağdaşda əməliyyata qaldırılan 9 yaşlı Mehralıyev Seymur Qoşqar oğlunun ölüm səbəbi bəlli oldu.
Ağdaş Mərkəzi Rayon Xəstəxanasının baş həkimi Nuruyev Nuru Oxu.Az-a açıqlamasında xəstənin anaflatik şokdan dünyasını dəyişdiyini bildirdi:
“Xəstə əməliyyata girməzdən 20 dəqiqə əvvəl ona “narkoz” vurulub. Əməliyyata girmədən anaflatik şok vəziyyətinə düşüb. Həkimlər onu bu vəziyyətdən çıxarmaq üçün 10 dəqiqə çalışıblar. Lakin cəhdləri uğursuz alınıb”.
Hazırda ölümün baş vermə səbəbləri araşdırılır.