Çində baş verən zəlzələ nəticəsində 180 bina dağılıb: Ölənlər və yaralananlar var -YENİLƏNİB

Çinin Sincan Uyğur Muxtar Rayonunda baş verən zəlzələ nəticəsində ölənlərin sayı 8 nəfərə çatıb.

APA-nın “Sinxua” agentliyinə istinadən verdiyi xəbərə görə, bundan əvvəl 4 nəfərin öldüyü bildirilirdi.

Yerli vaxtla saat 01:00-da qeydə alınan zəlzələnin episentri Taşkurqan rayonunda, ocağı isə 8 km dərinlikdə yerləşib.

***

Çində 5,5 bal gücündə zəlzələ baş verib.

APA-nın “Sinxua” agentliyinə istinadən verdiyi xəbərə görə, yeraltı təkanlar Sincan Uyğur Muxtar Rayonunda qeydə alınıb.

Hadisə nəticəsində 4 nəfər ölüb, yaralıların sayı dəqiqləşdirilir. İlkin məlumata əsasən, zəlzələ dağıntılara səbəb olub. Ayrı-ayrı yerlərdə evlərin divarlarında çatlar yaranıb. Bəzi evlərin divarları uçub.

***

Çinin Sincan Uyğur Muxtar Rayonunda baş verən zəlzələ nəticəsində azı 180 bina tam və yaxud qismən dağılıb.

APA-nın “RİA Novosti” agentliyinə istinadən verdiyi xəbərə görə, son məlumatlara əsasən, təbii fəlakət nəticəsində 8 nəfər ölüb, azı 20 nəfər xəsarət alıb.

Yerli vaxtla saat 01:00-da qeydə alınan 5,5 ballıq zəlzələnin ocağı 8 km dərinlikdə yerləşib.