Загрузка...

Ermənilər Netanyahunun Bakı səfəri ilə bağlı İranı qızışdırır

İsrail baş naziri Benyamin Netanyahunun Azərbaycana rəsmi səfər etməsi ən çox İran və Ermənistanda qıcıq yaradıb.

İranın bu məsələdə təpkisi başa düşüləndir. İslam ölkəsi özünü İsrailin düşməni hesab edir və onunla yaxın münasibətlər quran istənilən dövlətə qarşı sərt münasibət göstərir.

Ermənistanın isə dərdi İsraillə Azərbaycanın hərbi-siyasi, habelə iqtisadi sahədə əməkdaşlığıdır.

Lakin erməni yazarları bu məsələ ilə bağlı İsrailin üzərinə getməyə ürək etmirlər.

Onlar indi əsasən Netanyahunun səfərindən sonra İran-Azərbaycan münasibətlərinin gələcəyi üzərində “kökləniblər”.

Ermənilər Netanyahunun Bakı səfəri ilə bağlı İranı qızışdırır

Musavat.com son gəlişmələrlə bağlı Ermənistan mətbuatına istinadən erməni ekspertlərinin fikirlərini oxuculara təqdim edir.

Ermənistanın iranşünas alimi Vardan Voskanyan Benyamin Netanyahunun Bakı səfərinə təhlil edərkən deyib ki, bu səfər İran tərəfdə böyük rezonansa səbəb olacaq.

Voskanyan səfərin həm İranın dini təbəqələrində, həm də siyasi elitasında, o cümlədən ictimai sektorunda sərt təpkilərə yol açdığını bildirib.

Ermənilər Netanyahunun Bakı səfəri ilə bağlı İranı qızışdırır

“Lakin İranın fəaliyyət stilini nəzər alsaq, deyə bilərik ki, bununla bağlı atılacaq addımlar qısamüddətli diapazonda deyil, uzaq perspektivdə nəzərdə tutulacaq”,- iranşünas qeyd edib.

Vardan Voskanyan bir çox İran xadiminin Azərbaycan rəhbərliyini İsraillə əməkdaşlıq perspektivlərini yenidən gözdən keçirməsi üçün təhdid etdiyini bildirib.

“Fikrimcə, bu məsələ Azərbaycan tərəfindən ciddi təhdid olaraq qəbul edilməlidir. Çünki Azərbaycan Ermənistanın təcrid vəziyyətə qalması üçün İranla əməkdaşlığa olduqca böyük ümidlər bəsləyir. Faktiki olaraq İran tərəfi Aəzrbaycanla əməkdaşlığını iflasa uğradığını anladı”, -Voskanyan qeyd edib.

Erməni ekspert Azərbaycanın İrana vəd etdiyi bir sıra layihələri, xüsusilə dəmir yolu proqramı ilə verdiyi sözləri yerinə yetirmədiyini iddia edib.

Voskanyan Netanyahunun İlham Əliyevlə görüşdə İrana qarşı fəaliyyət proqramının da müzakirə edildiyinə şübhə etmədiyini söyləyib.

Ermənilər Netanyahunun Bakı səfəri ilə bağlı İranı qızışdırır

“Aydın məsələdir ki, İsrail baş nazirinin Bakıya səfərində anti-İran fəaliyyət də müzakirə mövzusu olub. Lakin iranlılar müdrik və təcrübəli xalqdır. Onlar Azərbaycan-İsrail əməkdaşlığının hansı təhdidləri özündə birləşdirdiyini yaxşı başa düşürlər”.

Voskanyan İsrailin Azərbaycana hərbi-texniki sahədə yardım göstərdiyini xatırladaraq bu silahların əslində İrana qarşı çevrildiyini deyib. “İsrail silahları həm Ermənistana, həm də İrana qarşı istifadə olunduğu üçün bu təhlükə hər ikimizi də narahat etməlidir”, – erməni şərqşünası qeyd edib.

Ermənistanın digər eksperti, şərqşünas Armen İsraelyan isə İran Məclisinin sədrinin beynəlxalq məsələlər üzrə köməkçisi Hüseyn Əmir Abdullahianın məsələ ilə bağlı fikirlərini çatdırıb.

Ermənilər Netanyahunun Bakı səfəri ilə bağlı İranı qızışdırır

Məqalə müəllifi Abdullahianın uzun illər boyu İran xarici işlər nazirinin Afrika və ərəb ölkələri üzrə müavini olduğuna diqqət çəkib.

Onun yazdığına görə, Abdullahian Netanyahunun Bakı səfərinin regionda yeni təxribatlara yol açacağını söyləyib.

Armen İsraelyan Abdullahianın bu fikrindən Azərbaycanın İsraildən aldığı silahların İrana qarşı istifadə edilə biləcəyi nəticəsini çıxarıb.

“Aprel ayında Qarabağ zonasındakı hərbi əməliyyatlarda İsrail silahlarından istifadə edildikdən sonra bu silahların bir gün İrana qarsı çevriləcəyi üçün Tehranın əlində kifayət qədər əsası var”, – deyərək müəllif Voskanyanın absurd, həmçinin məkrli fikrini təkrarlayıb.

İsraelyan İran İslam Respublikasının Azərbaycandakı keçmiş səfiri Möhsün Pakayinin də fikirlərini məqaləsində qeyd edib.

Onun yazdığına görə, Möhsün Pakayin İranın “Təsnim” informasiya agentliyinə verdiyi müsahibədə bildirib ki, Tehran baş nazir Netanyahunun səfərinə Azərbaycan tərəfindən razılıq verməsini gözləmirmiş.

Ermənilər Netanyahunun Bakı səfəri ilə bağlı İranı qızışdırır

“İran tərəfinin Azərbaycanın bu məsələ ilə bağlı verdiyi vədini ciddiyə alacağını söyləmək avamlıq olardı. Sadəcə Tehran Bakının Azərbaycan-İsrail əməkdaşlığının perspektivi ilə bağlı İranla əldə etdiyi razılığı pozduğuna işarə vurmaq istəyir”, – məqalədə Pakayindən gətirilən sitatda deyilir.