İspaniyanın “Real Madrid” futbol klubunun portuqaliyalı ulduzu Kristiano Ronaldo argentinalı ulduz Leonel Messi ilə dost olmadığını bildirib.
Musavat.com-un məlumatına görə, Ronaldo deyib: “Mətbuat Messi ilə məni böyük rəqib kimi təqdim etsə də, bu, belə deyil. Messi ilə dost deyilik, lakin arada qarşılıqlı hörmət hissi var”.
İndiyə qədərki məşqçilərdən ən çox Maurinyonu bəyəndiyini deyən Ronaldo bildirib ki, Xose Mairinyo hər bir detalı incəliklə düşünən məşqçidir. Portuqaliyalı ulduz məşqçi Aleks Förqusonun ona ata kimi olduğunu deyib.