Снимок

Krım tatar aktivistləri özlərinin bayraq günü ilə əlaqədar xüsusi videoçarx hazırlayıblar.

Axar.az xəbər verir ki, çarx işğal altındakı Krım yarımadasında görüntüyə alınıb. Belə ki, aktivistlər Krım tatar bayrağını yerə ataraq insanların buna reaksiyasını müşahidə etməyə çalışıblar. Bayrağı yerdən qaldıran şəxslərlə söhbət ortaya maraqlı anlar çıxardıb.

Bayrağı yerdən qaldıran bir tatar nənə reaksiyasını belə izah edir: “O, bizim yüreqimiz. Bu, bizim yer…”

Qeyd edək ki, Krım tatarlarının bayrağı 1917-ci ildə hazırlanıb. SSRİ-nin Krımı işğal etməsindən sonra burada çoxluq təşkil edən Krım tatarlarına qarşı diskriminasiyalar başlayır. İkinci Dünya Müharibəsi zamanı demək olar ki, bütün Krım tatar xalqı bir gecənin içində öz vətənindən Mərkəzi Asiya və Sibirə sürgün edilir. Uzun illərdən sonra Krım tatarlarının geri dönməyinə izn verilir. Krım yarımadası növbəti dəfə 2014-cü ilin martında Rusiya tərəfindən işğal edilir. Tatarlar indiyə qədər Rusiya hakimiyyətini qəbul etmirlər. Məhz buna görədir ki, son bir il ərzində yüzlərlə Krım tatar gənci müxtəlif adlar altında həbs edilərək ifadə verməyə məcbur ediliblər. Krım tatarlarının ən böyük orqanı olan Krım Tatar Məclisi isə yarımadada rəsmən qadağan edilib.

Загрузка...