32 yaşlı Terri Ann Nunns adlı qadını çəki atmaq yalnız cəzbedici və özünə qüvənən biri etmədi.
Axşam.az xarici mətbuata istinadən xəbər verir ki, Nunns özünün kilo vermə üsulu ilə pul qazanaraq zəngin olub. Gənc qadın bundan 11 il əvvəl 2005-ci ildə əkiz uşaqlarını dünyaya gətirir. Lakin uşaqlarından biri dünyaya gəldikdən sonra həyatını itirir və qadın dərdini unutmaq üçün özünü yeməyə verir. Bir müddət sonra üçüncü uşağı dünyaya gəlir. Körpə hələ 11 aylıq olarkən həyat yoldaşı ondan ayrılır. Boşandıqdan sonra daha da kilo alan 2 uşaq anası çətin günlər keçirməyə başlayır.
1 il ərzində 44 kilo çəki alan Terri Ann Nunns, 2011-ci ildə ikinci həyat yoldaşı Maykl ilə tanış olur və arıqlamağa qərar verir. Pəhriz, fitness üzərində geniş tədqiqat aparan Nunns, pəhrizində daha uğurlu olub, ideal bədən formasına sahib olur. Bunu biznesə çevirməyə qərar verən Terri, bunun sayəsində ildə 2 milyon dollardan çox pul qazanır.