Mixail Qorbaçov SSRİ-nin parçalanmasına görə məsuliyyət daşıdığını etiraf edib.
Axar.az xəbər verir ki, bunu SSRİ-nin ilk və son prezidenti Moskvada öz kitabının təqdimatı zamanı söyləyib.
O, SSRİ-nin süqutu zamanı öz ətrafına lazımı qaydada müqavimət göstərmədiyini bildirib: “Mən yeni ittifaq müqaviləsinin hazırlandığı iclası iki-üç dəfə tərk etdim. Gedirdim, amma bir müddət sonra Yeltsin başqa bir neçə nəfərlə yanıma gəlirdi. Hesab edirdim ki, bu dövləti qorumaq lazımdır. Məni heç kim işdən çıxarmadı. Vəzifəmi özüm tərk etdim, çünki artıq onlarla bacara bilmirdim”.