Türkiyənin üçüncü liqasında keçirilən “Van Böyükşəhər Bələdiyyəspor” – “Berqama Bələdiyyəspor” matçında qalmaqal yaşanıb.
Qol.az xəbər verir ki, görüşün 84-cü dəqiqəsində bərabərlik qolunu vuran qonaq komandanın futbolçusu Gökhan Çətinus qol sevincini əsgər salamı ilə bayram edib.
Bu da meydan sahibi komandanın məşqçilər heyəti və futbolçularını özündən çıxarıb. Tərəflər arasında qarşıdurma yaranıb. Lakin çevik polis alayının müdaxiləsindən sonra aranı sakitləşdirmək mümkün olub.