Rusiya prezidenti Vladimir Putin Avropa İttifaqından bu qurum və Ukrayna arasında assosiasiya haqqında sazişin iqtisadi hissəsini yenidən baxmağı tələb edib.
Bu barədə Putin Avropa Komissiyasının sədri Joze Manuel Barrozuya göndərdiyi məktubda bildirib.
Rusiya lideri həmçinin məktubda vurğulayıb ki, əgər rəsmi Kiyev bu sazişin hər hansı bir müddəasını reallaşdırmağa çalışsa, “rəsmi Moskva dərhal buna müvafiq cavab verəcək”.
Qeyd edək ki, sentyabrın 16-da Ali Rada Ukrayna və Avropa İttifaqı arasında assosiasiya haqqında sazişi təsdiqləyib.
Rada da keçirilən səsvermədə 355 deputat qanun layihəsinin lehinə, 26 nəfər isə fikir bildirməkdən imtina edib. Qanun layihəsinin əleyhinə heç bir deputat səs verməyib.
Müvafiq qanun layihəsi Avropa Komissiyasının Strasburqda keçirilən iclasında da müzakirəyə çıxarılıb. Komissiyanın iclasında qanun layihəsinin lehinə 535, əleyhinə 127 nəfər səs verib. 35 deputat isə bitərəf olub.
Azvizion.az