ebru-polat_147226

Diqqət mərkəzində olan Ebru ona qarşı olan xəyanəti qəbul edə bilmədiyini açıqlayıb

Türkiyəli cazibədar müğənni Ebru Polad maraqlı açıqlama verib. ANS PRESS-in Türkiyə mətbuatına istinadən verdiyi məlumata görə, ifaçı müsahibəsi zamanı kişilərlə münasibətə yanaşma tərzindən danışıb. Hər zaman seksual görünüşü və hərəkətləri ilə diqqət mərkəzində olan Ebru ona qarşı olan xəyanəti qəbul edə bilmədiyini açıqlayıb:

“Başqa qadınla aldadılmağı həzm edə bilmərəm. Məni aldadan şəxsin bağışlanmaq şansı yoxdur. Yəqin ki, mən də aldadılmışam. Amma bir gecəlik münasibəti xəyanət saymıram. Biri məni çox sevib bir günlük başqası ilə nəsə yaşaya bilər. Bu, problem deyil. Amma həmin qadına sevgi sözləri deməməlidir. Üstəlik, onunla ikinci dəfə görüşməməlidir”- deyə Ebru Polad deyib.

Qeyd edək ki, məşhur müğənni bir müddət öncə azərbaycanlı sevgilisi olduğunu açıqlamışdır. Ötən ilin sonlarında isə onunla birlikdə Dubayda istirahət edərkən öpüşmə səhnələrini şəxsi İnstaqram səhifəsində paylaşıb.