Moskvadakı erməni icmasının Qəyyumlar Şurasının sədri Sarkis Asatryan həbs edilərərk “Lefertovo” həbsxanasına aparılıb. Erməni mətbuatının yazdığına görə, Sarkis Asatryan həm də Ermənistan Gənclər Partiyasının sədridir.
Onun həbsinə səbəb isə böyük həcmdə narkotik vasitə saxlamaqda şübhəli hesab edilməsidir. Məsələnin daha bir maraqlı məqamı həbs olunan şəxsin adının prezident Sərkisyanla birlikdə hallandırılmasıdır.
Məsələ burasındadır ki, Sarkis Asatryanı Moskvaya dəvət edən və onu erməni icmasının Qəyyumlar Şurasına sədr seçilməsini təmin edən Norik Tevanyan adlı şəxsdir.
Norik Tevanyan Rusiyadakı erməni icmasının nüfuzlu nümayəndələrindən hesab olunur və Ermənistan prezidenti Serj Sərkisyanla dost olduğu bildirilir. Hazırda Ermənistan hökuməti Asatryanın azadlığı üçün çalışır.